НОВОСТИ       ИСТОРИЯ          ОБРАЗОВАНИЕ         НАШИ ЗЕМЛЯКИ       НОВОСТИ ДЕРЕВНИ В ФОТО          КОНТАКТЫ          ГОСТЕВАЯ КНИГА

Творчество детей

МОН ТОНЭН, ШАЕРЕ

Ох, тулыс омыред! Йыр поромытозь шокчисько мон сое. Кыче гинэ зынъёс овол отын. Тани Миргурезе туби но сир зын лосъяськиз. Татын пужым посадка. Жужытэсь но зокесь ини отысь писпуос. Шишкинлэн суредаз кадь.

Татысен, та Миргурезь йылысен, кырымпыдэс вылын кадь адзиське вордиськем гуртэ. Кык урамен кыстиське со Кышеды шур кузя . Вылысьурамын, писпуос полын, сылэ школае. Котькуд чукнае, сумкаме киям кутыса, тубисько мон лавка кусыпети татчы. Тубисько шуэмъя валаны луэ ини, улисько мон мукетаз урамын, со улиынгес, шур дурын. Таиз ураммы куиньлы люкиське: Уллапал, Шордин, Ваннапал. Шордин - мынам яратоно интые. Татын мон вордски, улисько, татын мынам эшъёсы. Бакча берысь шуре, кытын мон чорыгасько, бакаосты кутылисько, жытъесы но чукнаосы кылзисько учы концерт. Нокыче артистэд но кулэ уг луы та вакытэ, учыед кисьтэ аслэсьтыз гурзэ. Жыт потиськод ке, нюр зын кыстиське шур вылысь, бус жутске, чуказе нунал чебер луоз шуыса, бакаед «чирдэ». Соку тае ваньзэ юн – юн зыгыртэм потэ. Эх! Кыче шулдыр но чебер интыын мон улисько.

Татысен, Миргурезь йылысен, адзисько на Баеннюк, Эшбанюк, Кытлыбанюк. Песятае верамья, та интыосы интыяськиллям нырысети вуэм адямиос: Баен, Эшбай, Кытлыбай. Котькудаз нюкын вань аслаз ошмесэз, бызе соос Кышеды шуре. Баеннюке тубисько ке, гужем тырытозям сиисько узы-борызэ, полы быдзаесь сьод-сьод кисьмам льомзэ. Та пуын гинэ сыче ческыт льом кисьма кадь потэ мыным.

Толалтэ нискыласько куасэн, салазкиен. Ешбанюк но бере уг кыльы аслаз узырлыкеныз. Самой бадзымез та нюк понна – со вось. Татын ортчытъяло пичи восез, куке курисько вулы. Нош бадь ньорез мар портэм: гуртысь вань зазег кудыос куэмын, дыр, солэсь. Нюклэн вылиязгес вань пичигес возез, отын туж трос чуньыбыж будэ. Ми сое курег, чож, зазег сюдыны бичаськом. Песянае сое картофкаен чош нельке, бурдоослы, пе, витамин луоз. Кытлыбанюкысь возь туж паськыт, котькуд гужем отысь гуртоос турын турнало, кунянъессэс гозыяло. Нош вуаз ярато пыласькыны зазегъес. Мургес интызэ шедьто но зымылыса шудо. Собере одиг радэ султыса, солдатъес сямен, вымышто вож ожоез ишкыны. Вуын пыласькыса котсы сюма уга. Узыр но чебер интые огшоры лыктыса интыяськиллямтэ угось та куинь воргоронъес. Нырысь эскеризы дыр, кыче интыос вань та улосын. Озьы семьяоссэс ваизы дыр. Соин валче гурт но кылдэм дыр. Малпаськиськод ке, олокыче но малпанъес йыре лыкто. Гуртэз кылдытон понна, туж трос нюлэсэз сайконо луэм. Али шур сьорын жужытэсь мучъес адзисько, писпу выжы бервылъес со, отын чурыт камыш гинэ будэ на.

Миргурезьлэн улланяз Ошмесдур интыяськемын. Мон понна самой шулдырез, чеберез инты со гурт котырысь. Самолетысен ке учкысалэд, кык вае бодылы кельшысаз дыр со. Татын будись лулпуос озьы интыяськемын. Кык интыысь потыса, ошмесъес ваче вуо, ошмес кузя писпуос но озьы огазеясько одиг вае. Соин кык вае боды кадь потэ. Ошмесъес огазеяськон вадьсын туж чебер кырез, куинь сэрго со, Треугольник нимало сое. Вылланязгес – Италмасвозь. Отын туж трос чуж-чуж сяська будэ, кин ке кизем-а ма. Италмас со. Вырйылэ ке тубиськод, борыез но вань. Ошмес вулы ветлыку но со борыез кырымен – кырымен бичаса сиыны вутскисько. А нош вуэз ошмесмылэн кыче! Быдэс гурт ворттэ сое. Гужем ведра карнанэн кенакъес ветло. Нош ттолалтэ, кык – куинь семья чошен, валэн додьыен ветло. Кин фляга, кин канистра, кин бидон шедьтэ, соин ик вае. Синкыли кадь чылкыт вуэз, кезьыт но ческыт. Чаез туж поттэ. Нош песянае чукналы быдэ соин бамзэ пылатэ, синъесыз, пе, умой усьтэ, небзытэ. Толалтэ ми но эшъесын чошен вуылиськом лымы пуктосъесаз шудыны. Крепость лэсьтиськом, ог – огмылэсь таласьком сое. Пуктосъес нунал чоже кытчы дыр ышо: ми озьы нелькиськом. Тулыс но сизьыл паськытэсь возь вылаз футбол но шудиськом, бызьылиськом. Лэсьтиськыны материал ке кулэ, нош ик татчы бызиськом.

Пыд улысьтым Миргурезь но туж матын мыным. Тол куазен татын нискыласьком куасэн, салазкиен, корытоен. Куасэн нискылтыку тол гинэ сьорын шула. Синъес синкылиен тыро, шурдиськод, нош куасъес тонэ уллань нуо. Ох, сюлэм ик потиське вал уллане вуытозь. Ачиз ортчем мурт гинэ вала но шодэ сое. Тулыс ми тати пудо возьмаськом. Нырысети валгырлыез, кузьтурынэз верьяськом. Гужем нош майбыр татын: веник но, боры но, пыштурын но, виртурын но- ваньмыз вань та интыын.

Сылисько гурезь йылын, гуртэ шоры учкисько, малпасько ас поннам: ведь та ваньмыз мынам, аслам. Нош мынам чыжы-выжыосы татчы, та интые ке ой вуысалзы, адзысал шат тае куке. Ой, дыр. Соослы музъемозь ик йыбырттэм потэ, монэ таче улонэ вуттэмзылы, та быдза шуд сетэмзылы. Куддыръя малпасько, Удмуртиын но чебер, шулдыр дыр шуыса, кыче ке чыжы - выжыосы вань дыр шуыса. Но башкир музъем вылын улэменым мон данъяськисько. Доре мынам татын, башкир музъем вылын, ачим нош мон-башкир удмурт.

Ужез: Марданов Юрийлэн, 8 класс

Дышетисез: Гафутдинова М.Г.

 2007 г.

452 955,   д. Алтаево, МР Бураевский район, Республики Башкортостан, т. (34756) 2-78-84