Гурт калыкез туала вакытэ городской улонэн паймытыны шуг. Тросаз гуртъесы кыскемын газ, лэсьтисько сюресъес. Котькуд коркан Интернет, Wi-Fi, телефон, смартфон но мукетыз. Гудэмын гудӟем но пыртэмын ву. Крандэ усьтид но бызе кезьыт ву, пӧсез но отын ик.

     Озьы ке но удмурт калык яратэ кезьыт ошмес вуэз вайыса чай быректытыны. Кин карнанэн но ведраен, кин канистра кутыса, куд-огез машинаен но кыстисько ошмес дуре. Гужем но толалтэ но уг быры ошмес дуре сюрес.

     Алтау котырын ошмесъес трос. Котькуд покчи гинэ ошмеслэн но нимыз вань. Огзэ шуо "Кезьыт ошмес", мукетзэ-"Ошмес". Вань" Кырвыжнюк ошмес", "Кӧс ошмес", "Лылпошур" но "Сарсаз" ошмесъёс. Куд-огзэ адями нимын но верало. Куке но сыче нимо адями сое утялтэм дыр, соин нимыз озьы ик кылем.

     Школа вань дыръя пиналъес соосты отрядэн, отрядэн люкиськыса утялто вал. Кыдекын луэмъессэ турнан вакытын тазартыса кельтылизы. Шутэтскыны ошмес дуре интыяськыса, кыче ческыт возь турын куарен чай юыны.    

     Али ке но тросэз тодо кызьы Алетдин пересь ошмесэз тазартэм но отчы бугро карыса, питрес пу бекче понэм. Соин со ошмесэз “Питрес ошмес” шуыны кутскиллям. Куд огез Алетдин ошмес но шуисез вань. Тросэз гурт калык отчы вулы ветло.

     Кема ӧвӧл та ошмеслы выль улон усьтыса кошкем землякмы, али огпалан улись, Илекбаев Владимир. Пу бекче интые лэзем пластмассалэсьсэ. Пушказ но котыраз вӧлдэм из но кӧльы. Васькон интыоссэ но тупатэм. Нош котырзэ чеберьям солэн покчи сузэрез Дуся. Озьы ик соослы юрттэм Марат Шарафутдинов. Гурт калык вера соослы бадзым тау.