«МОН ВЕТЛЋ ТОРФИЕ»

   «Кытчы, кытчы?» - юалоды тћ, тазьы верамез кылыса. «Торфи» кылэз туала егитъёс но пиналъёс уг тодо.  Словаръёсы но со пыртэмын ќвќл. Озьы ке но та кыл улэ  калык пќлын. Башкортостанысь тросэзлэн туала мќйы удмурт кышномуртъёслэн улонзы-вылонзылэн пичи люкетэз торфиен герњаськемын…

                                             * * *

   1958-тћ ар. Свердловскысь вербовщикъёслэн (ужасьёсты утчасьёслэн) лыктэмзы сярысь ивор Алтау гуртэ љог вќлмиз. Фарига Бадретдинова но торфие мыныны малпаз, фамилизэ списоке пыртыны куриз. Кылем арын но солэн сюрес вылэ потыны мылкыдыз вал, нош дћсьтонэз ќзгес тырмы кадь. Пинал шуозы но уз басьтэ, малпаз ас понназ. Торфие 18 арес тырмемъёсты гинэ гожъязы угось. Фаригалы туэ но 17 арес гинэ ай.

   - Вербовщикъёс кык кузя вал, - тодаз вае Фарига Ахметдиновна Камалова. – Одћгез мќйы, мукетыз пинал. Мќйыез монэ жаляз кадь, тофие гожтыны соглаш луиз. Сельсоветысь справка басьтыкуд, вордћськем ардэ 1940-тћ ар кары, косћз со. Озьы ик лэсьтћ.

   Вераны кулэ, со аръёсы гуртъёсын улћсьёслэн киязы паспортсы но, мукет документсы но ќй вал. Огдырлы палэнэ кошкисьёс сельсоветысь справка басьтылћзы. Со ик паспортэз но воштылћз.

   Кузь сюрес вылэ дасяськем нылмуртлэн мылкыдыз бурдъяськемын вал. Нош малпанэз соку ик ќз быдэсмы на. Гуртысь бригадир сое торфие лэзьыны пумит луиз:

   - Кин колхозын ужалоз на? Тон татын одћгез устоез ужась…

   Фарига соку калык азьын зар-зар бќрдћз. Нылмуртлэсь сюлэмзэ бригадир но валаз кадь, сое торфие лэзьыны соглаш кариськиз.

   - Милемыз поездэн нуизы, - вера Фарига Ахметдиновна. – Пудо нуллон вагонын. Ярам ай, отын пичиесь ке но укноосыз вал. Поездмы куд-ог станциосын кема сылылћз,  бордаз мукет вагонъёс итылћзы, быгай. Кќня нунал мынћм, уг тодћськы ни. Монетный станция пала вуим. Свердловск палан со.

   Егит нылъёсты улыны бараке интыязы.  Соосты татчы торф дасяны вуттћзы.  Тћни озьы, «торфи» кыл торф бордысь потэмын.

   Вазь џукна ик султыса, егит нылъёс но кышномуртъёс уже дыртылћзы ни. Сьќразы ву но нянь гинэ басьтылћзы. Мукет сиёнзы но ќй вал угось. Трактор ортче но  музъем вылысь торфез брикет выллем карыса кельтэ. Торфие лыктэмъёс соосты берыкъяло, куасьтыны дасяло, берло огазе люкало.

   - Вожмаськыса кадь ужалом вал, -  маде Фарига Камалова. – Нормамы бадњым. Торфие нырысьсэ лыктэмъёслы секыт йќтылћз. Кык пол но, куинь пол но татчы лыктэмъёс нормаоссэс капчиен гинэ тырмытылћзы кадь. Милемлы озьы потылћз. Собере ми но дышим. Уксё кќня ке сётъязы. Соин асьмелы дћсь басьтыны тыршылћм. Гуртэ нуыны саламъёс но дасяллямы.

   - Ялкарон нуналъёсты вал-а? – юасько.

   - Луоз, пе. Тулысысен сћзьылозь ялкарытэк ужамы. Мунчое пырылћм. Отчы мунчо юри пуктћллям.

   - Торфиын њучъёс но, бигеръёс но вал, дыр. Куспады њуч кылын вераськылћды-а?

  - Њуч сяин йќн- йќн вераськыны но ум тодћське вал. Нырысетћ нуналъёсаз мунчоысь потыкумы милемлы њучъёс «С лёгким паром!» шуо, ми «спасибо» карыны но ќм валалэ. Њуч кыллы но пумен дышим…

                                                    * * *

      Война бырем берегес ик Алтау гуртысь куд-ог нылъёс торфие мынћллям, пе. Секытлы чидатэк, кќняез ке пегњыса но бертћллям. Пыдын, чугун сюрес кузя ог вить сю иськемез ортчиллям, ява. Шуръёсты уяса потылћллям. Озьы ке но торфие мыныны мылкыд карисьёс арлы быдэ луо вылэм.

   Малы гуртысь нылъёс торфие мыныны бќрдыса ик куриськылћллям меда? Та юанлы торф дасяны ветлэмъёс пќлысь котькудћз ас сяменыз валэктоз, дыр. Яке Фарига Ахметдиновна кадь вакчияк гинэ вералоз:

   - Мынэм потэ вал. Эшъёс кошко бере, кызьы  соослэсь кылёд?

   Мынам малпамея, торфие мынон – со эрике кыстћськон но, дуннеез адњыны тыршон но, аслэсьтыд кужымдэ эскерон но вал, дыр. Гуртын улћсьёс со аръёсы, колхозын нунал лумбыт, ялкаронэз тодытэк ужаса, уксёез ќз адњылэ. Нош уксё туж кулэ вал. Торфиын уждун (ќжыт ке но) сётъязы. Собере егит мылкыд котьку кытчы ке кыстћське. Али но со сыџе ик.

   Атаелэн дыдыез, мынам гажано апае Фарига Бадретдинова-Камалова понна   торфи - со ортчем сюресэзлэн пичи гинэ люкетэз. Отын трос шумпотон буёлъёсыз. Соос йырвизе весяклы кылё.

                                                        Ульфат Бадретдинов.

                                                                   Бурай ёрос.

<<< 1 2 3 4  >>>